Хуссар Иры ном раивыны референдум: дыууӕ цӕстӕнгасы

© Sputnik / Алексей КовалевДень государственного флага Южной Осетии
День государственного флага Южной Осетии - Sputnik Хуссар Ирыстон
Рафыссын
Президенты администрацийы чиновник ӕмӕ политолог сарӕзтой комментаритӕ Тыбылты Леониды указӕн Хуссар Иры ном раивыны фӕдыл референдумы тыххӕй.

ЦХИНВАЛ, 7 фев — Sputnik. Президент Тыбылты Леонид фарон декабры раразмӕ кодта хъӕппӕрис республикӕйы ном раивыны фӕдыл.
Къуырисӕры республикӕйы сӕргълӕууӕг снысан кодта республикӕйы ном раивыны фæдыл референдумы датæ 2017 азы 9 апрельмæ, хъæлæсæппæрст ацæудзæн президентон æвзæрстытимæ иумæ.

Бӕстӕйы сӕргълӕуджыты хъуыдымæ гæсгæ, уынаффæйы мидис уый мидæг ис, цæмæй хъахъхъæд ӕрцӕуа абоны ном — Республикæ Хуссар Ирыстон æмæ райстӕуа дыккаг ном — Паддзахад Алани, кӕцытӕ уой ӕмнысан.

Гобозты Вячеслав: хъӕппӕрис ссардзӕн разыдзинад ӕмӕ референдумы рӕстӕджы хъӕлӕсты 90%-ӕй къаддӕр нӕ райсдзӕн

Президент Хуссар Иры ном раивыны фӕдыл цы хъӕппӕрис раразмӕ кодта, уый у иууыл райсинагдӕр ныры уавӕры, загъта Sputnik президенты администрацийы сӕргълӕууӕджы хӕдивӕг Гобозты Вячеслав.

"Мӕ хъуыдымӕ гӕсгӕ, уый у иууыл оптималондӕр вариант ныры уавӕры. Иу азы бӕрц цы ӕхсӕнадон дискусситӕ адарддӕр сты, уым адӕм бӕлвырд ахицӕн сты дыууӕ къордыл, иутӕ нымадтой, кӕй хъӕуы ӕнӕмӕнгӕй бахъахъхъӕнын термин "Осетия", "Алани" ма йӕм бафтауын, дыккӕгтӕ раразмӕ кодтой фӕнд, цӕмӕй йыл бынтондӕр тобӕ ӕвӕрд ӕрцӕуа ӕмӕ йын лӕвӕрд ӕрцӕуа ног ном — "Паддзахад Алани", — загъта Гобозты Вячеслав.

Уый банысан кодта, президент раст скъуыддзаг кӕй райста ӕмӕ уымӕй ӕрфидауын кодта цӕстӕнгастӕ иууылдӕр ӕмӕ ма бафтыдта, кӕй у рӕстаг куыд политикон, афтӕ историкон цӕстӕй дӕр.

Правительство Южная Осетия - Sputnik Хуссар Ирыстон
Президент равзӕрста Хуссар Иры ном раивыны референдумы датӕ

"Иуӕрдыгӕй мах раздахдзыстӕм историон ном ӕмӕ бахъахъхъӕндзыстӕм нӕ тӕгтӕ Алайнаг паддзахадимӕ. Аннӕрдыгӕй та — бахъахъхъӕндзыстӕм Республикӕ Хуссар Ирыстон, нӕ историйы нырыккон заман хынцгӕйӕ, уымӕн ӕмӕ уый тыххӕй тох кодтой нӕ фӕсивӕдӕй бирӕтӕ", — загъта политик.

Уымӕй дарддӕр, Гобозы фырт нымайы, ахӕм бацӕуӕн кӕй дӕтты фадат сбӕлвырд кӕнын, кӕцы ном ӕрфидар уыдзӕн республикӕйыл фидӕны.
Гобозты Вячеслав нӕ дызӕрдыг кӕны, ацы хъӕппӕрис кӕй ссардзӕн разыдзинад ӕмӕ референдумы рӕстӕджы хъӕлӕсты 90%-ӕй къаддӕр кӕй нӕ райсдзӕн.

Дзугаты Къоста: республикӕйы ног ном суыдзӕн Израилы ӕнарӕхст фӕзмынд

Политолог, историк ӕмӕ информацион технологиты центр "Интеллектуальные ресурсы"-йы директор Дзугаты Къоста нымайы, Хуссар Ирыстоны номмӕ ног ӕмхасӕн — Паддзахад Алани кӕй суыдзӕн "Израилы ӕнарӕхст фӕзмынд".

"Мӕ хъуыдымӕ гӕсгӕ, республикӕйы ном аивыны фӕдыл хъӕзтытӕн ис иунӕг аххосӕг — уӕлӕмхас психологон ӕмӕ политикон импульс Ирыстоны дыууӕ хай баиу кӕныны процессӕн. Уымӕ гӕсгӕ, референдуммӕ рахаст хъуамӕ ӕрцӕуа иу бӕлвырд ӕмӕ ӕцӕг бындурджын вариант — Республикӕ Хуссар Ирыстон — Алани. Нӕ зонын, чи лӕууы фидарӕй "Паддзахад Алани" номы ӕвварс, фӕлӕй уый у "Паддзахад Израилы" хуымӕтӕг фӕзмынд, ӕмӕ ӕвзӕрын кӕны гуымиргомау ӕнкъарӕнтӕ", — загъта политолог.

Йӕ ныхӕстӕм гӕсгӕ, референдум ӕмӕ президентон ӕвзӕрстытӕ иу боны мидӕг кӕй ацӕудзысты, уый никуыд бандавдзӕн хъӕлӕсӕппӕрстыл.

"Иу иннӕйы нӕ хъыгдары, уымӕн ӕмӕ техникон ӕгъдауӕй процедурӕ у ӕмхуызон ӕмӕ референдумӕн бюллетентӕ нӕ домынц егъау финансон хӕрдзтӕ. Фӕлӕ кӕд референдум уагъд цӕуы, уӕд хорз уаид уавӕрӕй спайда кӕнын ӕмӕ ма бахӕссын хъӕлӕсӕппӕрсты бюллетентӕм ноджы иу ахсджиаг фарст: "Фӕнды уӕ, цӕмӕй Республикӕ Хуссар Ирыстон Уӕрӕсейы Федерацийы скондмӕ бацӕуа?" Ницы хъыгдары президенты уӕлӕмхас барамынд бафыссын ӕмӕ уый суыдзӕн йӕ президентады ӕцӕг мисси", — загъта политолог.

Ног хабӕртты лентӕ
0