ЦХИНВАЛ, 17 фев — Sputnik. Цӕгат Ирыстоны полицийы кусджытӕ байстой хӕцӕнгӕрзты арсенал Алагиры цӕрӕгӕй, хъусын кӕны республикон МХМ-ы пресс-службӕ.
Ведомствӕйы бӕрӕггӕнӕнтӕм гӕсгӕ, уымӕ разынд Калашниковы автомат, 6 карабины, алыгъуызон калибры 800 нӕмыджы, афтӕ ма дыууӕ цуанон хӕцӕнгарзы.
Пресс-службӕйы куыд банысан кодтой, афтӕмӕй сусӕг ӕвӕрӕн ссардтой куыдзы будкӕйы.
"Хӕцӕнгарз ӕмӕ хӕстӕрмӕджыты ӕнӕзаконон зилдухф фӕдыл, цы арсеналы хицаумӕ ӕхсайы зӕрдӕ, уый ныхмӕ баконд уголовон хъуыддаг УФ УК 222 статьяйы 1 хайы фӕдыл. Ацы статьяйы санкцимӕ гӕсгӕ, фыдгӕнӕгмӕ ӕнхъӕлмӕ кӕсы ӕртӕ азы онг ахӕсты баконд", — дзырдӕуы хъусинаджы.
Ведомствӕйы пресс-службӕ зӕрдыл лӕууын кӕны, ӕмбӕстаг сӕрибар кӕй цӕуы уголовӕн бӕрндзинадӕй, кӕд ӕмӕ барвӕндӕй бахӕсса барадхъахъхъӕнӕн органтӕм цы хӕцӕнгарз, хӕстӕрмӕджытӕ, кӕнӕ рӕмудзӕн ӕрмӕджытӕ йӕм ис, уыдон. Законмӕ гӕсгӕ, хӕцӕнгарз барвӕндӕй раттын ис гӕнӕн цыфӕнды афон дӕр.
