ЦХИНВАЛ, 20 мар — Sputnik.Уӕрӕсе ӕмӕ Хуссар Ирыстоны президенттӕ Тыбылты Леонид æмæ Владимир Путин ӕруынаффӕ кӕндзысты Мӕскуыйы дарддæры социалон—экономикон æмгуыстады фарстытæ æмæ дыууæ бæстæты æхсæн дыууæварсон ахастытыл, загъта Sputnik бæстæйы разамонæджы пресс-секретарь Гана Яновская.
Паддзахæдты сæргълæуджытæн фембæлд уыдзæн Мæскуыйы 21 марты, дыццæджы.
Яновская къуыд фехъусын кодта, афтæмæй ма боны фæткы ис РХИ ӕмӕ УФ-йы ӕхсӕн баздырды РХИ Гарзджын тыхты хицӕн дӕлхайадты УФ-йы Гарзджын тыхты скондмӕ бацыды уагӕвӕрды фарст дæр.
"Фарсытæ ма æруынаффæ кæндзысты республикӕйы пенситӕ ӕмӕ куыстмыздты нывӕзтгонд фӕфылдӕрыл, афтæ ма Хуссар Ирыстоны медицинон кластеры объектты арӕзтадыл", — банысан кодта Яновская.
Уымӕй дарддӕр ма Тыбылты Леонид Владимир Путины хъусдармӕ фӕхӕццӕ кӕндзӕн информаци, 9 апрелы нӕ республикӕйы президентон ӕвзӕрстыты ӕмрӕнхъ уагъд кӕй ӕрцӕудзӕн референдум Хуссар Ирыстоны ном Аланимӕ раивыны фӕдыл.
