Тыбылты Леонид Мæскуыйы фембæлд ирон диаспорæ æмæ студенттимæ

© Пресс-служба президента РЮОВстреча Леонида Тибилова со студентами и осетинской диаспорой в Москве
Встреча Леонида Тибилова со студентами и осетинской диаспорой в Москве - Sputnik Хуссар Ирыстон
Рафыссын
Фæмбæлды рæстæджы президент ӕрдзырдта Хуссар Ирыстоны æвзæрстагъоммæ уавæрыл æмæ йе ‘взæрстагъоммæ программæйы бындурон тезистыл

ЦХИНВАЛ, 21 мар — Sputnik. Президент Тыбылты Леонид фембæлд Хуссар Ирыстонæй Мæскуыйы уæлдæр ахуырадон уагдæтты чи ахуыр кæны, уыцы студенттимæ, афтæ ма бынæттон ирон диаспорæйы уæнгтимæ, фехъусын кодта президенты пресс-секретарь Гана Яновская.

Тыбылты Леонид ис кусæгон балцы Мæскуыйы, дыццæгмæ нывæзтгонд у йæ фембæлд УФ президент Владимир Путинимæ.

Тыбылты Леонид æмæ Владимир Путины фембæлд - Sputnik Хуссар Ирыстон
Президенты пресс-секретарь радзырдта Тыбылты Леонид æмæ Владимир Путины фембæлды темæтыл

Ӕртæ сахатæй фылдæр цы фембæлд адард ис, уый рæстæджы Тыбылты Леонид æрдзырдта Хуссар Ирыстоны æвзæрстагъоммæ уавæрыл æмæ йе ‘взæрстагъоммæ программæйы бындурон тезистыл.

"Сараздзынæн æппæт дæр мæ адæмы хæрзиуæгæн. Уый президентæн у йæ иууыл стырдæр æнтыст æмæ мах иумæйагæй уыдзыстæм ахъаз нæ уарзон бæстæйы дидинæфтыдæн", — загъта президент.

Мæскуыйаг ирон диаспорæйы культурон центры директор Бедойты Тамарæ радзырдта йæ тæлмæнты тыххæй 2008 æмæ 2016 азты Хуссар Ирыстонмæ йæ балцты фæстæ.

"Хуссар Ирыстоны арæх уыдтæн. Хорз хъуыды кæнын Цхинвал, адæмы цæсгæмттæ 2008 азы хæсты онг, хъуыды кæнын фæсхæст рæстæг. Фæлæ мæ ныр нæ фæнды уæззау замантыл дзурын, сæрыстырæй мӕ фæнды радзурын фарон сентябры дзы цы федтон, уыдон. ХуссарИрыстон йæ хуыз аивта æмæ ацы процесс у æнæрлæугæ", — загъта уый.

Президенты пресс-секретары ныхæстæм гæсгæ, фембæлды бирæ дзырд цыд æвзæрстытыл, æрæмбырдуæвджыты катайы æппары, æвзæрстыты агъоммæ республикæйы уавæрæй гæнæн ис æмæ кӕй фæкарз уа, уый.

"Президент ныфс бавæрдта, ома куыд Конституцийы гарант, афтæ кæй хъуамæ хъуыды кæна йæ адæмы сабырадыл æмæ уый тыххæй кæй сараздзæн æппæт дæр", — банысан кодта Яновская.

© Пресс-служба президента РЮО Тыбылты Леониды фембæлд студенттимæ Мæскуыйы
Встреча президента Леонида Тибилова со студентами и осетинской диаспорой в Москве  - Sputnik Хуссар Ирыстон
Тыбылты Леониды фембæлд студенттимæ Мæскуыйы

Фембæлды аннæ ахсджиаг темæ та ссис республикæйы ном аивыны фæдыл референдум, кæцы уагъд æрцæудзæн президенты æвзæрстыты бон.

Студентты ма цымыдис кодтой бæстæйы æдасдзинады, ахуырады, культурæйы, Уæрæсейы уæлдæр ахуырадон уагдæттæ каст фæуыны фæстæ куыстæй ифтонгады фарстытæ.

"Нæ республикæйы хъæуы æвзонг профессионалтæ — дохтыртæ, ахуыргæнджытæ, аразджытæ, фæстæмæ æрыздæхын та цы рауагъдонтæ нывæндынц — уыдоны та сабырад райгуырæн зæххыл. Сымахæн арæзт цæуы æмæ цæудзысты уавæртæ", — хъусын кæны президенты ныхæстæ йæ пресс-секретарь.

Ног хабӕртты лентӕ
0