ЦХИНВАЛ, 9 апр — Sputnik. Президенттӕм кандидат ӕмӕ архайгӕ президент Тыбылты Леонид схъӕлӕс кодта ӕвзӕрстыты 10-ӕм ӕвзарӕн фадыгыл, кӕцы байгом 5-ӕм скъолайы.
Тыбылты Леонид раарфӕ кодта ӕрӕмбырдуӕвджытӕн рӕстдинон бӕрӕгбон Донхӕрисхӕссӕн хуыцаубоны цытӕн, йӕ оппоненттӕн та йӕ цӕст бауарзта ӕнтыстытӕ ӕвзӕрстыты.
Архайгӕ президент равдыста ныфс, цӕрджытӕ кӕй схъӕлӕс кӕндзысты стабилондзинад ӕмӕ паддзахады размӕцыдӕн.
"Баззад ма чысыл рӕстӕг, фӕндзыстӕм, куыд уыдзысты хабӕрттӕ 20:00 сахатмӕ. Кӕд дыккаг тур уа, уӕд адарддӕр кӕндзыстӕм нӕ куыст", — банысан кодта уый.
Тыбылты Леонид ӕвзарӕн фадыгмӕ ӕрбацыд йӕ хъӕбулы хъӕбулимӕ.
Хуссар Ирыстоны уӕлдӕр постмӕ тырнынц ӕртӕ кандидаты — архайгӕ президент Тыбылты Леонид, парламенты спикер Бибылты Анатолий ӕмӕ ПӔК-ы кусӕг Гаглойты Алан.
Президентон æвзæрстытæ æмæ республикæйы ном раивыны фæдыл референдум уагъд цæуынц 77 æвзарæн фадыджы. Уыдонæй 72 æрбайгом Хуссар Ирыстоны территорийыл, æртæ — Цæгат Ирыстоны, фæйнæ иу та — Мæскуы æмæ Сухумы минæварадты.
Хъæлæскæныны бар ис республикæйы æмбæстæгтæн, кæцытыл сæххæст 18 азы. ЦӔК-ы бæрæггæнæнтæм гæсгæ, æвзæрстыты фадат ис хайад райсын 32 736 æвзарæгæн.
