ЦХИНВАЛ, 9 апр — Sputnik, Козаты Диана. Æвзарджыты 33 процентæй фылдæр схъæлæс кодтой Хуссар Ирыстоны 12 сахатмæ бæрæггæнæнтæм гæсгæ.
"Ныридæгæн схъæлæс кодтой æвзарджыты 33 проценты", — фехъусын кодта ЦӔК-ы сæргълæууæг Плиты Белла.
Уый банысан кодта, Цхинвалы æвзарджыты æрбацыд кæй у 31,233 проценты Знауыры районы 33,5 проценты, Цхинвалы районы — 35, 2 проценты, в Ленингоры районы фадгуытæм æрбацыд æвзарджыты 44, 9 проценты, Дзауы районы схъæлæсгæнджыты нымæц у 14,2 проценты.
Хуссар Ирыстоны уагъд цæуынц президенты æвзæрстытæ æмæ республикæйы ном Паддзахад Аланийимæ раивыны фæдыл референдум.
Хуссар Ирыстоны уӕлдӕр постмӕ тырнынц ӕртӕ кандидаты — архайгӕ президент Тыбылты Леонид, парламенты спикер Бибылты Анатолий ӕмӕ ПӔК-ы кусӕг Гаглойты Алан.
Президентон æвзæрстытæ æмæ республикæйы ном раивыны фæдыл референдум уагъд цæуынц 77 æвзарæн фадыджы. Уыдонæй 72 æрбайгом Хуссар Ирыстоны территорийыл, æртæ — Цæгат Ирыстоны, фæйнæ иу та — Мæскуы æмæ Сухумы минæварадты.
Хъæлæскæныны бар ис республикæйы æмбæстæгтæн, кæцытыл сæххæст 18 азы. ЦӔК-ы бæрæггæнæнтæм гæсгæ, æвзæрстыты фадат ис хайад райсын 32 736 æвзарæгæн.
