ЦХИНВАЛ, 9 апр — Sputnik. Хуссар Иырстоны ЦӔК цæттæ у президенты æвзæрстыты фæдыл фыццаг развæлгъау бæрæггæнæнтæ фехъусын кæнын 23 сахатыл, загътой Sputnik Централон æвзарæн къамисы пресс-центры.
Хуссар Ирыстоны президенты æвзæрстыты фæдыл хъæлæскæнынад балхынцъ изæры аст сахатыл. Æвзарджыты æрбацыд уыд 80 процентæй фылдæр.
Ныртæккæ æвзарæн фадгуытыл æрæвнæлдтой хъæлæстæ нымайынмæ. Кандидатты фарсхæцджытæ æнхъæлмæ кæсынц информацимæ сæ æвзарæн штабты.
Хуссар Ирыстоны уӕлдӕр постмӕ тырнынц ӕртӕ кандидаты — архайгӕ президент Тыбылты Леонид, парламенты спикер Бибылты Анатолий ӕмӕ ПӔК-ы кусӕг Гаглойты Алан.
Ӕвзæрстытæм сæ хъус дарынц 80 æхсæнадæмон цæстдарæджы Уæрæсейæ, Днестргæрон республикæйæ, Хæххон Карабах, Донецк æмæ Луганскы адæмон республикæтæй.
