ЦХИНВАЛ, 10 апр — Sputnik. Фондз хуссарирыстойнаг æвзонг боксеры стох кæндзысты фыццагад "Юность России"-йы, кӕцы уагъд цӕуы Кæсæг-Балхъары республикæйы, фехъусын кодтой Sputnik фæсивæдон политика, спорт æмæ туризмы комитеты.
"Нӕ боксертæ сты 2003-2004 азы гуырдтæ. Ацы кары хуыздæр боксерты равзæрстой бынæттон ерысты фестиуджытæм гæсгæ. Тохтæ райдыдтой абон, хатдзæгтæ скæндзысты хуыцаубоны", — загъта комитеты пресс-секретарь Софа Исаакян.
Уæлахиздзауы номæй дарддæр ма, банысан кодта уый, чемпионтæ райсдзысты Уæрæсейы фыццагадмæ ахизыны фадат.
Хуссар Ирыстоны номӕй фыццагады архайынц тренертæ Тедеты Алик, Плиты Азæмæт æмæ Бестауты Чермены хъомылгæнинӕгтӕ.
