ЦХИНВАЛ, 12 апр — Sputnik. Ног хицауад арæзт уыдзæн бынæттон профессионалтæй, фæлæ республикæмæ хуынд æрцæудзысты специалистттæ Уæрæсейæ дæр, загъта эксклюзивон интервьюйы Sputnik равзæрстгонд президент Бибылты Анатолий.
Хуыцаубоны Хуссар Ирыстоны ацыдысты президентон æвзæрстытæ, цы ран, ЦӔК-ы бæрæггæнæнтæм гæсгæ, 54, 8 процентимæ фæуæлахиз Бибылты Анатолий.
"Мæ комадæйы тыххæй мæ фæнды зæгъын, арæзт кæй уыдзæн специалисттæй, бынæттон кадртæй, хъизæмæрттæ цы адæм бавзæрстой, нæ истори чи зоны, кæмæн у йæ бон фыццаджыдæр мидæггагон политикæйы рæдыдтыты сæрты ахизын, ахӕм адӕмӕй. Махмæ ис фаг ахуыр æмæ курдиатджын адæм", — загъта Бибылты Анатолий.
Уыимӕ иумӕ уый бахахх кодта, кӕй ӕрхондзӕн специалистты Уӕрӕсейӕ дӕр, "уымӕн ӕмӕ кӕцыдӕр къабӕзты ӕнӕ ӕрхонгӕ специалистты фӕлтӕрддзинадӕй фӕзын уыдзӕн кусын".
Бибылты Анатолий ма бузныг загъта, йӕ хъӕлӕстӕ йын чи радта, уыцы адӕмӕн ӕмӕ бахахх кодта, адӕмы кӕй нӕ дих кӕны иу кӕнӕ иннӕ политикон архайджыты фарсхӕцджытыл, афтӕ ма ныфс бавӕрдта ацы принцип бахъахъхъӕнын йӕ дарддӕры куысты ӕмӕ ног командӕ ӕмбырд кӕныны рӕстӕджы.
