ЦХИНВАЛ, 12 апр — Sputnik. Хуссар Ирыстоны ног президенты равзæрстимæ республикæйы расидт æрцæудзæн амнисти, загъта эксклюзивон интервьюйы Sputnik Бибылты Анатолий, кæцы фæуæлахиз президентон æвзæрстыты.
"Президенты равзæрстимæ хъуамæ уа амнисти, фæлæ уый нæ бандавдзæн уæззау фыдракæндтæ саразджытыл", — загъта уый.
Бибылты Анатолий банысан кодта, фарст скъуыддзаг кæй цæудзæн парламент, тæрхондон æмæ генералон прокуратурæимæ.
Фæстаг хатт амнисти республикæйы расидт æрцыд 2015 азы, Стыр Фыдыбæстæйон Хæсты фæуæлахизыл 70 азы сæххæсты цытæн. Уæд амнистийы бын бахаудысты 10 адæймаджы.
Хуыцаубоны Хуссар Ирыстоны ацыдысты президентон æвзæрстытæ, цы ран, ЦӔК-ы бæрæггæнæнтæм гæсгæ, 54, 8 процентимæ фæуæлахиз Бибылты Анатолий.
