Боксер Коцты Вадим Уæрæсейы фыццагадмæ йæхи цæттæ кæны Цæцæны

© Sputnik / Фатима ПлиеваВадим Кочиев
Вадим Кочиев - Sputnik Хуссар Ирыстон
Рафыссын
Коцты Вадимы спарринг-партнер Цæцæны сборты уыдзæн олимпиаг хъæзтыты хайадисæг Адлан Абдурашидов

ЦХИНВАЛ, 17 апр — Sputnik, Козаты Диана. Цхинвайлаг боксер Коцты Вадим йæхи цæттæ кæны Уæрæсейы фыццагадмæ, цæцæйнаг спортсменты фæхуындмæ гæсгæ боксер уадзы тренировкæтæ Цæцæны, загъта Sputnik тренер Чехойты Алан.

Боксер Вадим Кочиев - Sputnik Хуссар Ирыстон
Боксы тренер: Коцты Вадимы уæлахиз байста тæрхонгæнджыты мæнг скъуыддзаг

18-аздзыд Коцты Вадим æхсæз азы бæрц хæст у боксыл, уый ссис æвзонг хуссарирыстойнаг тренер, æхсæнадæмон классы спорты дæсны Чехойты Аланы фыццаг хъомылгæнинаг.

"Майы райдианы Оренбурджы ацæудзæн Уæрæсейы фыццагад боксæй. Хæларадон фæхуындмæ гæсгæ мах æрцыдыстæм сбортæм Цæцæнмæ. Цæцæйнаг боксертæ сæхи цæттæ кæнынц æхсæнадæмон турнирмæ Казахстанмæ, мах та — Уæрæсейы фыццагадмæ", — загъта тренер.

Йæ ныхæстæм гæсгæ, тренировкæтæ Цæцæны адарддæр уыдзысты 28 апрелы онг. Коцты Вадимы спарринг-партнер сборты уыдзæн олимпиаг хъæзтыты хайадисæг Адлан Абдурашидов.

"Абурашидов дæр арахайы мах уæзы категорийы — 69 кг, уый тыххæй æрцыдыстæм хуынд. Нæ спортсмен нырма иттæг хорз цæттæ нæу, фæлæ нæ ныфс ис æмæ сборты кæронмæ кæй уыдзæн хорз физикон формæйы", — банысан кодта Чехойты Алан.

Сбортæ уадзы зындгонд специалист, Цæцæны Республикæйы боксæй сæйраг тренер Геннадий Савин, кæцыйæн ис стыр фæлтæрддзинад профессионалон боксы дæр.

Глава Федерации бокса РЮО Альберт Валиев - Sputnik Хуссар Ирыстон
Хуссар Иры Боксы федерацийы президент ссис ресторатор Уалыты Альберт

Савин дæргъвæтин рæстæг уыд челябинскаг промоутерон компани "Урал Бокс Промоушен"-ы шеф-тренер, йæ къухдариуæгады бын сæхи тренировкæ кодтой Козаты æфсымæртæ — Хетæг æмæ Аслан, Константин Пономарев, IBF версимæ гæсгæ архайгæ дунейы чемпион Гасситы Мурæт æмæ бирæ æндæртæ.

Чехойты Аланы ныхæстæм гæсгæ, хуссарирыстойнаг æмæ цæцæйнаг боксерты спаррингтæ æлхынцъон этапыл фæнд кæны бабæрæг кæнын республикæйы президент Рамзан Кадыров.

Цхинвайлаг спортсментæн Цæцæнмæ ацæуынæн баххуыс кодта Фæсивæдон политикæ, спорт æмæ туризмы фæдыл комитет.

Ног хабӕртты лентӕ
0