ЦХИНВАЛ, 20 апр — Sputnik. Хуссар Ирыстоны минæварад Уæрæсейы Федерацийы æвзары кандидатты 2017 азы сезоны Ӕхсæнадæмон литературон преми "Булæмæргъ"-мæ, хъусын кæны дипломатон уагдоны пресс-службæ.
Конкурсы хайад райсыны фадат ис ирон æвзагыл фыст уацмыстæн, афтæ райдианы æндæр æвзагыл фыст уацмысты авторон тæлмацтæн.
"Премийы претенденттæм сæйраг домæн — литературон уацмыс хъуамæ уа фыст ирон æвзагыл. Уацмысты автортæ кæм цæрынц æмæ уацмыстæ кæм рацыдысты мыхуыры, уымæн преми ницы арæнтæ æвæры", — банысан кодтой пресс-службæйы.
Минæварады радзырдтой, премимæ претенденттæ кæй хъуамæ уой раздæр мыхуыргонд чи не ′рцыд, ахæм уацмыстæ, афтæ ма преми расидынæй афæдзæй фылдæрæй размæ мыхуыры чи нæ рацыд, уыцы литературон уацмыстæ.
Премийы максималон размер у 50 мин сомы, конкурс уагъд цæуы организаци "Стройцентр"-ы æххуысæй.
Конкурсы домæнтæ бæлвырд базоныны фадат ис РХИ минаварады сайтыл УФ-йы.
