Плиты Гацыр æмæ Дзабиты Зарбеджы чингуыты презентаци ацыд Цхинвалы

© RIA Novosti . Фатима ПлиеваКниги
Книги - Sputnik Хуссар Ирыстон
Рафыссын
"Царды къахдзæфтæ" æмæ "Чеселтгом" рацыдысты 2016 азы мыхуыры нывæзты фæлгæтты. Дыууæ рауагъды дӕр бакæсæн ис цымыдисон информаци Иры кæмттӕ, Ирыстоны зæрингуырдты æмæ нæ бæстæйы историйы фæдыл

ЦХИНВАЛ, 4 май — Sputnik. Ирзонады сгуыхт кусджытæ, филологон зонæдты кандидаттӕ Плиты Гацыр æмæ Дзабиты Зарбеджы чингуыты презентаци ацыд цыппӕрӕмы мыхуыр æмæ инфомацийы комитеты пресс-центры.

Плиты Гацыры "Царды къахдзæфтæ" æмæ Дзабиты Зарбеджы чиныг "Чеселтгом" мыхуыр æрцыдысты 2016 азы мыхуыры нывæзты фæлгæтты.

Гацыр Плиты - Sputnik Хуссар Ирыстон
Профессор Плиты Гацыры дыууæ чиныгӕн Цхинвалы ацыд презентаци

Презентацимæ æрбамбырд сты ахуыргӕндтæн сæ коллегатæ ӕмӕ сӕ куыстытӕн аргъгӕнджытӕ. Плиты Гацыр бузныг загъта, чиныг рауадзыныл чи бацархайдта, ӕппӕт уыдонæн.

"Ацы чиныгмæ хицæн сæргæндтæй бацыдысты аив дзырды зæрингуырдтæ, Къостайы царды сылгоймæгтæ. Иу стыр хай бацахстой фыццаг "Ирон газет"-ы фæстæ цы мыхуыры фæрæзтæ цыд, уыдоныл афæлгæст, ис дзы раныхастæ æгъдæутты фæдыл. Мæнмæ гæсгæ дзы скъоладзау, ахуыргæнæг æмæ ирон дзырдæн табугæнæг ссардзæн пайда информаци", — загъта Плиты Гацыр.

Дзабиты Зарбеджы чиныг "Чеселтгом" та рауӕрæхдæргонд хуызы рацыд ныр дыккаг хатт. Чиныджы автор ацы комы цымыдисонæй цæуыл фæхæст ис, уыдон иууылдӕр бахаста йæ чиныгмæ.

"Ӕртыккаг курсы ма куы ахуыр кодтон, уæд мын хæсгонд уыд Коцты Бегайы тыххæй курсон куыст бацæттæ кæнын æмæ уæд бавнæлдтон ацы куыстмæ. Чиныгӕн йæ ном дæр цымыдисон у. Хъӕу афтæ схуыдтой, ам раздæр цы ирон мыггаг цард, уыдоны номæй. Абон Чеселтæй Ирыстоны ничиуал цæры, хъæуы та уый фæстæ æрфысым сты авд æндæр ирон мыггаджы, уыдоны кой дæр ис чиныджы", — загъта ахуыргонд йæ чиныджы фæдыл.

Презентацийы ма чингуыты ахадындзинадыл ирон æвзаджы райрæзты æрдзырдтой сæ редактортæ, рецензенттæ æмæ зонадон кусджытæ.

Ног хабӕртты лентӕ
0