ЦХИНВАЛ, 5 май — Sputnik. Цæгат Ирыстоны ссардæуыд Стыр Фыдыбæстæйон Хæсты рæстæджы авиабомбæ, хъусын кæны УУМ-ы регионалон управлени.
Хæстæрмæг ссардæуыд зæххы куыстыты рæстæджы республикæйы Алагиры районы Црауы хъæуы. Развæлгъау информацимæ гæсгæ, уый у Стыр Фыдыбæстæйон хæсты рæстæджы авиабомбæ ФАБ-50.
Республикон УУМ бахатыд уагдоны хуссар регионалон центрмæ, цæмæй сын æрæрвитой 495-æм ирвæзынгæнæн центры пиротехникон къорд авиабомбæ сæнæзианхъом кæныны нысанæн.
