ЦХИНВАЛ, 5 мая — Sputnik. Хуссар Ирыстоны президент ссæрибар кодта йæ бынатæй паддзахадон уынаффæгæнæг Цоциты Борисы, фехъусын кодтой Sputnik паддзахады сæргълæууæджы пресс-службæйы.
Афтæ ма Бибылты Анатолий ссæрибар кодта йæ бынатæй ноджы иу паддзахадон уынаффæгæнæг — Сиукъаты Родионы.
Абон ма президент бафыста администрацийы раздæры сæргълæууæг Тъехты Аланы йæ бынатæй ссæрибар кæныны фæдыл барамынд. Ацы бынаты нысан æрцыд Козаты Игорь.
Цоциты Борис нымад цæуы Хуссар Ирыстоны политикæйы æнæаивгæ фигурæйыл. Уый ахста разамонæг бынæттæ республикæйы акæцы президенты рæстæджы дæр, уыд вице-премьер, фæсконфликтон уавæр æрнывыл кæныны фæдыл президенты æххæстбарджын минæвар, президентон администрацийы сæргълæууæг.
