ЦХИНВАЛ, 8 май — Sputnik. Хуссар Ирыстоны уæвæг уæрæсейаг æфсæддон базæйы инжернерон дæлхайадтæ æрæвнæлдтой ахуырадон-цæттæгæнæн комплекс æмæ баиугæнды ахуырадон-материалон базæйы фæзуат сыгъдæг кæнынмæ зымæгон периоды спайдагонд хæстæрмæджытæй, фехъусын кодтой Хуссар Ӕфсæддон зылды пресс-службæйы.
"Республикæ Хуссар Ирыстоны дислокацигонд уæрæсейаг æфсæддон базæйы инженерон дæлхайадтæ æрæвнæлдтой æфсæддон æхсæнтæ, ахуырадон-цæттæгæнæн комплекстæ æмæ дæрддзæф полигонты æмткæй сыгъдæг кæнынмæ", — загъта Хуссар æфсæддон зылды пресс-службæйы сæргълæууæг Вадим Астафьев.
Астафьев банысан кодта, комплексон инженерон басгæрст цы территорийыл хъуамæ æрцæуа уагъд, уыцы ахуырадон-цæттæгæнæн комплекс æмæ баиугæнды ахуырадон-материалон базæйы иумæйаг фæзуат кæй у 3000 мин гектары бæрц.
Зымæгон периоды рæстæджы æфсæддон цæттæдзинады фæдыл ахуырты полигонты, æфсæддон æхсæнты æмæ базæйы ахуырадон-тренировкæгæнæн комплексты спайдагонд æрцыд 250 мин хæстæрмæрджытæй.
Куыстытæм æрбангом кодтой 100 æфсæддон службæгæнæгæй фылдæр, 4 ахуыр куыдзы æмæ 20 иуæджы æфсæддон æмæ сæрмагонд техникæ, уый нымæцы рæмудзæн æрмæджытæ агурджытæ "Коршун-3М". Ӕфсæддонтæ кусынц хъахъхъæнæн дарæсы "Дублон". Сгарæн мадзæлтты рæстæджы зæрдæхсайгæ æмæ тæссаг æрмæджытæ куынæг цæудзысты бынаты.
