ЦХИНВАЛ, 8 май — Sputnik. Хуссар Ирыстоны паддзахадон арæн Гуырдзыстонимæ 9 майы, Уæлахизы бон уыдзæн æхгæд, хъусын кæны Паддзахадон æдасдзинады комитеты пресс-службæ.
Хуссар Ирыстоны 9 майы ацæудзысты Уæлахизы Боны цытæн мадзæлттæ.
"Стыр Фыдыбæстæйон хæсты Фæуæлахизыл 72 азы сæххæсты цытæн бæрæгбонон мадзæлтты рæстæджы æдасдзинад сифтонг кæныны нысанæн 9 майы 7:00 сахатæй сæ куыст æрлæууын кæндзысты Хуссар Иырстоны æмæ Гуырдзыстоны арæныл æмбæстæгты уадзыны фæроггонддæр уадзæн пункттæ", — загътой уагдоны.
Уадзæн пункттæ æрвылбонон режимы сæ куыст райдайдзысты 10 майы райсомæй.
