ЦХИНВАЛ, 9 май — Sputnik. Хуссар Ирыстоны президент Бибылты Анатолий раарфӕ кодта Уӕрӕсейы президент Владимир Путинӕн Стыр Уӕлахизы боны цытӕн.
"Уӕлахизы 72 азыл ӕмбӕлгӕйӕ, мах ныфсджын стӕм, цас фӕнды аз дӕр ма рацӕуа, уӕддӕр сӕ цард уӕлахизы сӕраппонд нывондӕн чи ӕрхаста, уыцы хъӕбатырты фӕдонтӕ кӕй никуы ферох кӕндзысты, ӕмбал кӕмӕн нӕй, нӕ хистӕрты уыцы хъайтардзинад", — дзырдӕуы арфӕйы телы, хъусын кӕны президенты президенты пресс-службӕ.
Бибылты Анатолий ма равдыста фидар ныфс, Хуссар Ирыстон ӕмӕ Уӕрӕсейы адӕмты ӕфсымӕрдзинад дарддӕр дӕр кӕй уыдзӕн фидар бындур дыууӕ бӕстӕты хсӕн ахастыты райрӕзтӕн.
Йӕ зӕрдӕ загъта уӕрӕсейаг коллегӕйӕн ӕмӕ ӕппӕт Уӕрӕсейы адӕмӕн фидар ӕнӕниздзинад, сабыр арв ӕмӕ фӕрныгад.
