Хуссар Иры уæвæг базæ баххæст кæндзысты уалдзыгон æрсидты æфсæддонтæ

© Sputnik / Ада БагианВоеннослужащие 4 военной базы
Военнослужащие 4 военной базы - Sputnik Хуссар Ирыстон
Ацы уалдзæджы Хуссар Ирыстоны базæ æмæ Цæгат Кавказы æфсæддон дæлхайæдтæм æрæрвитдзысты 4,5 мин æрсиддоны

ЦХИНВАЛ, 15 май — Sputnik. Хуссар Ирыстоны уæвæг уæрæсейаг æфсæддон базæйы хисæрмагонд сконд баххæст кæндзысты уалдзыгон æрсидты ног æрсиддонтæ, хъусын кæны Хуссар æфсæддон зылды пресс-службæ.

Зылды куыд фехъусын кодтой, афтæмæй службæ рацæуыны тыххæй уалдзыгон кампанийы рæстæджы Хуссар Ирыстоны базæ æмæ Цæгат Кавказы æфсæддон дæлхайæдтæм æрæрвитдзысты 4,5 мин æрсиддоны.

"Ӕдæппæт, республикæтæ Дагестан, Цæцæн, Мæхъæл, Кæсæг-Балхъар, Цæгат æмæ Хуссар Ирыстоны дислокацигонд æфсæддон дæлхайадтæм æрвыст æрцæудзысты 4,5 мин æрсиддоны, уыдонæй 1 минæй фылдæр сты, УФ хъахъхъæнынады министрады ахуырадон центртæ чи фесты каст, ахæм кæстæр специалисттæ", — загътой ХФЗ-ы пресс-службæйы.

Ног æрсиддонты цайдагъ кæнынц æфсæддон архайдыл дæлхайадты хисæрмагонд сконды хицæнæй, уыдон ахуыр кæнынц фæлтæрд инструктортæ-сержанттæ управленийы офицерты æппынæдзух хъусдарды бын.

Российская военная база в Цхинвале - Sputnik Хуссар Ирыстон
Хуссар Иры базæты цæттæдзинады интенсивондзинад фæфылдæр ис 1,5 хатты

"Ӕфсæддон дæлхайадты алы æфсæддон службæгæнæгимæ дæр индивидуалонæй кусынц психологтæ. Уыдон солдаттæн уадзынц тесттæ нервон-психологон хъæддыхдзинады фæдыл. Медицинон службæты специалисттæ сын уадзынц арф медицинон басгæрст, кæцыйы фæстиуджытæм гæсгæ алы æрсиддонæн дæр лæвæрд цæуынц индивидуалон рекомендацитæ физикон уаргъы фæдыл",- дзырдæуы хъусинаджы.

Цыппæрæм гвардейон æфсæддон базæ Хуссар Ирыстоны арæзт æрцыд 2009 азы РХИ æмæ УФ-йы æхсæн бадзырдмæ гæсгæ. Дæлхайадты хæссынц службæ 3,7 мин солдаты æмæ офицертæ.

Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала