ЦХИНВАЛ, 18 май — Sputnik. Цхинвайлаг æрмхæцæг Дыгъуызты Милена рамбылдта Европæйы фыццагады æвзист майдан æрыгæдты хсæн, хъусын кæны фæсивæдон организаци "Иугонд Алани", кæцыйы сконды ис спортсменкæ.
"Ерысты Дыгъуызты Милена архайдта +70 килограммы уæзы æмæ ссис Европæйы чемпионаты æвзист призер æрыгæтты хсæн. Цыбыр рæстæгмӕ Миленайы къухы бафтыд бирæ æнтыстытæ — рамбылдта цалдæр турниры, райста спорты мастеры ном æмæ ссис Европæйы ерысты призер ", — дзырдæуы хъусинаджы.
Европæйаг ерыстæ цыдысты 14-18 майы Польшæйы. Дыгъуызты Милена ерысты архайдта Уæрæсей командæйы сконды.
