ЦХИНВАЛ, 22 май — Sputnik. Хуссар Ирыстоны уæвæг уæрæсейаг æфсæддон базæйы сапертæ ссыгъдæг кодтой рæмудзæн æрмæджытæй 3 мин гектары Дзарцъемы полигоныл, хъусын кæны Хуссар æфсæддон зылды пресс-службæ.
"Республикæ Хуссар Ирыстоны уæвæг уæрæсейаг æфсæддон базæйы инженерон æфсады дæлхайадтæ балхынцъ кодтой Дзарцъемы полигоныл рæмудзæн æрмæджытæй сыгъдæг кæныны фæдыл куыстытæ. Комплексон инженерон басгæрст кæм хъæуы ауадзын, уыцы баиугæнды ахуырадон-материалон базæйы иумæйаг фæзуат у æртæ мин гектары бæрц", — загъта зылды минæвар.
Полигон минæтæй сыгъдæг кæныныл архайдтой 100 æфсæддон службæгæнæгæй фылдæр, 10 иуæджы æфсæддон æмæ сæрмагонд техникæ æмæ ахуыр куыйтæ. Раргомгонд тæссаг æрмæджытæ куынæг цыдысты бынаты.
Зымæгон ахуырты рæстæджы Хуссар Ирыстоны æфсæддон базæйы полигонты æмæ æфсæддон æхсæнты спайдагонд æрцыд 300 мин хæстæрмæджытæй, уый нымæцы 6 мин къухыл гранатæтæ æмæ 60 мин артиллерион нæмгуытæй.
