ЦХИНВАЛ, 23 май — Sputnik, Хъотайты Мария. Уæрæсейы ӔФС-ы академийы ахуыр рацæуæг офицертæ Хуссар Ирыстонæй райст æрцыдысты кусыннмæ Паддзахадон æдасдзинады комитетмæ, радзырдта журналисттæн ведомствæйы сæргълæууæг Виктор Шаргаев.
"Ацы аз мах райсдзыстæм ноджы аст офицеры, кæцытæ фесты ахуыр Уæрæсейы", — загъта ПӔК-ы сæргълæууæг.
Шаргаевы ныхæстæм гæсгæ, 2004 азæй фæстæмæ УФ ӔФС-ы академимæ Хуссар Ирыстонæй арвыстæуыд 95 абитуриенты, уыдонæй 42 офицеры ныридæгæн кусынц комитеты.
Шаргаев радзырдта, куыд цæуы кандидатты æвзæрст УФ ӔФС-ы академимæ ахуырмæ арвитыны фæдыл ацы аз.
"42 кандидатæй фыццаг равзæрст æрцыд 30 абитуриенты ӔФС-ы академимæ ахуырмæ арвитыны тыххæй. Спортивон фæлварæнтæ, диспансеризаци æмæ бацæуæн фæлварæнтæ раттыны фæстæ ахуырмæ ацæудзысты æрмæстдæр аст кандидаты хуыздæр бæрæггæнæнтимæ", — банысан кодта ПӔК-ы сæргълæууæг.
Уый бафтыдта, ӔФС-ы академийы рауагъдонтæм алыхатт дæр кæй æнхъæлмæ кæсынц куысты бынæттæ Хуссар Ир ПӔК-ы.
