ЦХИНВАЛ, 1 июн — Sputnik. Цæгат Ирыстоны барадхъахъхъæнæг органтæ æрыхгæдтой наркотикты канал Мæхъæлæй, хъусын кæны Уæрæсейы ӔФС-ы регионалон управлени.
Операцийы рæстæджы ахст æрцыдысты Мæхъæлы цæрджытæй дыууæйæ: 63-аздзыд Руслан Долгиев æмæ 46-аздзыд Гелани Оздоев. Сæ ныхмæ баконд æцыд уголовон хъуыддаг "наркотикты æнæзаконон зилдухы" фæдыл.
Цæгат Ирыстоны горæтгæрон тæрхондон банымадта азымгондты зылынджыныл æмæ сын рахаста дæс азы ахæстоны фæбадыны уынаффæ.
Азымджынты адвокаттæ бахастой хъаст Уæлдæр тæрхондонмæ, фæлæ инстанци тæрхондоны уынаффæ ныууагъта æнæивдæй.
