Цӕгатирыстойнаг наркоуӕйгӕнӕгӕй байстой 0,5 кг героин

© Sputnik / РИА Новости / Ахизын фотобанкмӕПоимка торговцев наркотиками
Поимка торговцев наркотиками - Sputnik Хуссар Ирыстон
Бафыссын
Yandex newsTelegram
Барадхъахъхъӕнджыны цӕсты цалдӕр къуырийы размӕ бахауд сыхаг республикӕтӕй иуы цӕрӕг. Ӕрцахсты рӕстӕджы уымӕ разынд 0,5 кг героин.

ЦХИНВАЛ, 23 сен — Sputnik. Цӕгат Ирыстоны барадхъахъхъӕнӕн органты кусджытӕ ӕрцахстой наркотиктӕ уӕйгӕнӕджы, кӕцымӕ разынд ӕрдӕг килограмм героин, хъусын кӕны республикон МХМ.

"Барадхъахъхъӕнджыты цӕсты цалдӕр къуырийы размӕ бахауд 1997 азы гуырд сыхаг республикӕтӕй иуы цӕрӕг. Оперативон информацимӕ гӕсгӕ, уый ӕрцыд республикӕмӕ наркотикон буарадтӕ парахат кӕныны нысанӕн", — дзырдӕуы хъусинаджы.

МХМ-ы зонӕнтӕм гӕсгӕ, сентябры райдианы цӕрӕн хӕдзары цур нӕлгоймаг срӕвдз кодта сусӕгран 4 г героинимӕ.

Хуссар Иры "насвай"-ы партиимæ æрцахстой Таджикистаны æмбæстаджы

Барадхъахъхъӕнӕн органты контролы бын уый ацыд республикӕйӕ ӕмӕ ӕрбаласта наркотикон буарадты егъау парти.

"Азымгонды ӕрцахстой йӕ сусӕграны уӕлхъус — уыцы хӕдзары кӕрты Дзӕуджыхъӕуы уымӕй байстой сау полимерон пакет ссадӕгимӕ. Экспертизӕйы фӕстиуджытӕ сбӕлвырд кодтой, уый героин кӕй уыд", — банысан кодтой МХМ-ы.

Нӕлгоймаг цы фатер иста арендӕйы, уым разынд Мӕскуыйӕ ласт героины ӕнӕхъӕн парти — 468,5 грамм, афтӕ ма наркотик адих кӕныны тыххӕй барӕн ӕмӕ блокнот фыстытимӕ, загътой полицийы.

Баконд ӕрцыд уголовон хъуыддаг, азымгондмӕ ӕнхъӕлмӕ кӕсы 20 азы онг ахӕсты баконд.

Ног хабӕртты лентӕ
0