ЦХИНВАЛ, 2 июн — Sputnik, Болататы Алина. Цæгат Ирыстоны ӔФС æмæ уголовон агуырды кусджытæ æрцахстой Сунжæйы хъæуы 40-аздзыд цæрæджы хæцæнгарз æнæзакон æгъдауæй уæй кæныны тыххæй, хъусын кæны республикæйы МХМ-ы пресс-службæ.
Ведомствæйы зонæнтæм гæсгæ, полицийы кусджытæ сбæрæг кодтой, нæлгоймаг кæй уæй кæны хæцæнгарз республикæйы территорийыл. Цæстдарды руаджы ацы информаци сбæлвырд ис.
МХМ-ы фехъусын кодтой, цалдæр мæйы мидæг фыдгæнæг кæй ауæй кодта дыууæ Калашниковы автоматы æмæ джебогъ хæцæнгарзмæ. Нæлгоймаджы рацахстой радон "бафидыды" рæстæджы. Экспертизæ сбæлвырд кодта, байст хæцæнгарз кæй у рæвдз æхсынмæ.
Фыдгæнæджы ныхмæ баконд æрцыд уголовон хъуыддаг "хæцæнгарзы æнæзакон уæйы" статьямæ гæсгæ, æнхъæлмæ йæм кæсы цыпар азы æмгъуыдмæ ахæсты баконд.
