ЦХИНВАЛ, 7 июн — Sputnik. Хуссар Ирыстоны æмбырдгонд фембылд йæ дыккаг матч ConIFA версимæ гæсгæ Европæйы чемпионаты фысымтæн егъау хыгъдимæ — 8:0, хъусын кæны Sputnik Абхаз.
ConIFA версимӕ гӕсгӕ Европӕйы чемпионат уагъд цæуы 4-11 июны Цæгат Кипры. Раздæр, къуырисæры архайгæ чемпион — Абхазы æмбырдгонд — рамбылдта ирон командæйы дебютон матчы 2:1 хыгъдимæ.
Афтæмæй, хуссарирыстойнаг æмбырдгондæн фыццаг дыууæ хъазты фæстиуджытæм гæсгæ нал баззад шанстæ турниры æрдæгфиналмæ бахауын, уымæн æмæ йын нæ бантыст иу очко дæр сисын. Абхазæн ныртæккæ ис 4 очкойы, Цæгаттаг Кипрæн — 6. Къордæй рахиздзысты æрмæстдæр дыууæ командæйы.
Ӕдæппæтæй турниры архайы 8 хæдбар бæстæйы командæйы, уыдон дих ӕрцыдысты дыууæ къордыл. Хуссар Иры æмбырдгонд архайы къорд "А"-йы Абхазы командæ, фысымтæ æмæ Карпаталияимæ.
Хæдбар футболон ассоциациты конфедераци арæзт æрцыд 2013 азы. ConIFA мæ бацыд, FIFA-йы скондмæ чи нæ бахызт, ахæм 25 бæстæйы футболы æмбырдгæндтæ.
