ЦХИНВАЛ, 13 июн — Sputnik. Уӕрӕсейы чемпионаты уӕгъдибар хъӕбысхӕстӕй Назраны ирон богал Байаты Дауыт рамыблдта бронзӕйон майдан.
Ирон богал сарӕзта чысыл сенсаци, уый рамбылдта дунейы архайгӕ чемпион Магомед Курбаналиевы, фӕлӕ ӕрдӕг финалы фембылд дагъыстанаг богал Магомад Дибиргаджиевӕн. Ӕртыккаг бынатыл тохы уый рахызт Алибек Акбаевы ныхмӕ. Бронзӕйы сӕраппонд тох аскъуыддзаг 6:3 хыгъдӕй ирон богалы пайдайӕн.
"Ӕрдӕг финалы фембылдмӕ ӕнкӕсгӕйӕ Байаты Дауыт ссис чемпионаты стъалы — йӕ ирд тох никӕй ныууагъта уазалзӕрдӕйӕ, — хъусын кӕны спортивон хъӕбысхӕсты федерацийы официалон сайт wrestrus.ru.
Уӕрӕсейы чемпионаты уӕгъдибар хъӕбысхӕстӕй цӕуы Назраны. Тохтӕ аскъуыддзаг уыдзысты 14 июны.
