Футболон командæ Цхинвалæй триумфалонæй рамбылдта Сочийы турнир

© Из архива Юрия Кокоева Команда из Южной Осетии "ИР - Цхинвал" на турнире в Сочи
Команда из Южной Осетии ИР - Цхинвал на турнире в Сочи - Sputnik Хуссар Ирыстон
Бафыссын
Yandex newsTelegram
Цхинвайлаг футболон командæ "Ир- Цхинвал" рамбылдта HOPES CUP "Лига Надежд-2017"-ы кубок Сочийы

ЦХИНВАЛ, 13 июн — Sputnik, Хъотайты Мария. Хуссарирыстойнаг сывæллæтты футболон командæ "Ир- Цхинвал" рамбылдта HOPES CUP "Лига Надежд-2017"-ы кубок Сочийы, радзырдта Sputnik сæйраг тренеры æххуысгæнæг Кокойты Юрий.

Мини-футболы турнир скъоладзауты 'хсӕн - Sputnik Хуссар Ирыстон
Цхинвалы 2-ӕм скъолайы командӕ ссис мини-футболы турниры уӕлахиздзау

6-13 июны Сочийы уагъд цыд Ӕппæтуæрæсейаг сывæллæтты фестиваль HOPES CUP "Лига Надежд-2017" 2006-2010 азты гуырд командæты æхсæн.

Фыццаг бынатмæ фæндагыл "Ир- Цхинвал" фæуæлахиз фондз футболон командæйыл. Командæ "Ир- Цхинвалы" хъазæг Тедеты Алан нымад æрцыд хуыздæр размæбырсæгыл.

"Фыццаг матчы "Спартак-Нальчик"-ы нæ командæ рамбылдта 2:0 хыгъдæй. Волгодонскæй футболисттыл фæуæлахиз стæм 4:1 хыгъдæй, командæ "Дагомыс"-ы 6:4 хыгъдæй. "Монолит —Сочи"-имæ хъазты кæронмæ ма дыууæ минуты куы хъуыд, уæд бауагътам иу гол æмæ хъазт ахицæн æмдыхæй — 1:1. Ахсджиаг хъазт — "Надежда-Красногор"-ы командæимæ фембæлд ахицæн 3:1 хыгъдæй нæ пайдайæн æмæ мах ссистæм уæлахиздзаутæ 2007 азы гуырд сывææллæтты командæты æхсæн", — радзырдта Кокойты Юрий.

Уый ма бафиппайдта, ацы ерыстæ кæй уыдысты фыццаг æхсæнадæмон ерыстæ, цы ран райстой хайад сывæллæттæ — раздæр хъазыдысты æрмæстдæр хæдзары. Кокойты Юрийы ныхæстæм гæсгæ, "турнирмæ цæугæйæ, командæ хъуыды дæр никуы акодтаид уæлахизыл".

"Командæ тринировкæ кæны цыппæрæм аз. Ацы уæлахиз уыд сывæллæттæн сæхи æнтыст. Сæ фыццаг фæлтæрддзинад рауад тынг ирд. Иууылдæр стæм эмоциты бын æмæ нын ныхæстæ дæр нæ фаг кæны, не ′нкъарæнтæ зæгъынæн. Мах бузныг стæм нæ республикæйы сæргълæууæгæн, Сочимæ ацæуынæн нын æхцайы фæрæзтæ кæй рахицæн кодта", — загъта тренеры æххуысгæнæг.

HOPES CUP "Лига Надежд-2017"-ы ма Хуссар Ирыстонæй хайад иста ноджы иу командæ "Ир", кæцы бацахста цыппæрæм бынат 2006 азы гуырдты æхсæн.

 

Ног хабӕртты лентӕ
0