ЦХИНВАЛ, 13 июн — Sputnik. Хуссар Ирыстоны уæвæг уæрæсейаг æфсæддон базæйы райдыдтой уæлæуон командон-штабон ахуыртæ, хъусын кæны Хуссар æфсæддон зылды пресс-службæ.
"Хуссар Ирыстоны райдыдтой уæлæуон командон-штабон ахуыртæ Хуссар æфсæддон зылды 58-æм иумæйаг æфсады уæрæсейаг 4-æм æфсæддон базæйы æфсæддон службæгæнджыты хайадистæй. Гвардейон базæйы хисæрмагонд сконд абон сыстын кодтой фæдисы æмæ арвыстой марш æххæст кæнынмæ æфсæддон нысаниуæджы районмæ. Бынатмæ фæхæццæйы рæстæджы, æфсæддон службæгæнджытæ бакусдзысты мæнг ныхмæлæууæджы авиацийы ныццавды рæстæджы архæйдтытыл æмæ а. д.", — фехъусын кодта РИА Новостийæн ХӔЗ-ы пресс-службæйы сæргълæууæг, булкъон Вадим Астафьев.
Ахуырты архайынц нырыккон командон-штабон амашинæтæ, бастдзинадæй æмæ ныхмæлæуды рæстæджы дæлхайæдты къухдариуæгады ифтонг кæнынæн.
"Командон-штабон машинæты нырыккон программон-техникон ифтонгад дæтты фадат автоматон режимы скъуыддзаг кæнын хæслæвæрдты егъау комплекс. 17 июны онг цы ахуыртæ адарддæр уыдзысты, уым исынц хайад 3 мин æфсæддон службæгæнæджы, 500 иуæгæй фылдæр хæстæрмæджытæ æмæ æфсæддон техникæ", — банысан кодта Астафьев.
