ЦХИНВАЛ, 16 июн — Sputnik, Козаты Диана. Боксер-профессионал Тедеты Сослан сабаты ауадздзæн радон рейтингон тох. Ацы хатт йæ ныхмæлæууæг уыдзæн чехиаг боксер Оскар Фику, загъта Sputnik спортсмены тренер Сланты Виталий.
Тедеты Сосланы хыгъдыл ныридæгæн ис 16 уæлахизы, уыдонæй 12 — нокаутæй. Профессионалон рингыл уый фæхæрд æрмæстдæр иу хатт.
"Тедеты Сосланмæ 12 июны æнхъæлмæ кæсы астраундон тох чехиаг боксер Оскар Фикуимæ. Сахуыр кодтам ныхмæлæууæджы, ис зæгъæн æмæ кæй у фидар æмæ фæлтæрдджын, фæлæ уый æмрæстæджы кæны тынг "чъизи тох". Мах хорз бацæттæ кодтам нæхи ныхмæлæудмæ, ныфс нæ ис фидарæй рамбулын", — загъта Сланты Виталий.
Йæ ныхæстæм гæсгæ, кæд ацы тохы алцыдæр хорз ацæуа, уæд июлы та Сослан ауадздзæн 10-раундон тох Францы.
