ЦХИНВАЛ, 19 июн — Sputnik. Хуссарирыстойнаг боксер Тедеты Сосланы къухты бафтыд 17-æм уæлахиз профессионалон рингыл. Астраундон тохы уый йæ
ныхмæлæууæджы æртæ хатты арвыста нокдауны.
Ныхмæлæуд уагъд æрцыд сабаты Таллины. Тедеты Сосланы ныхмæлæууæг уыд чехиаг спортсмен Оскар Фику.
"Ӕртæ хатты уый арвыста йæ ныхмæлæууæджы нокдауны — 4, 6 æмæ æвдæм раундты. Сосланы уæлахиз уыд æнæдызæрдыг", — ныффыста йæ аккаунты социалон хызæджы Facebook Сланты Виталий.
Амæй размæ спортсмены тренер Сланты Виталий фехъусын кодта, зæгъгæ, кæд ацы тох ахицæн уа Сосланы пайдайæн, уæд æм июлы та æнхъæлмæ кæсы тох Францы.
Тренеры ныхæстæм гæсгæ, Францы йæ ныхмæлæууæг чи уыдзæн, уый нырма бæрæг нæу.
