ЦХИНВАЛ, 20 июн — Sputnik. Гуырдзыстоны цæрæг бафæлвæрдта æнæзакононæй Уæрæсемæ 500 литры сæн æрбаласын, хъусын кæны 15 регион.
Уадзæн пункт "Уæллаг Ларс"-ы арæнхъахъхъæнджытæ ссардтой фæсарæйнаг номыртимæ машинæйы, кæцы скъæрдта Гуырдзыстоны æмбæстаг, сусæг бынат. Уым æмбæхст уыдысты мигæнæнтæ 500 литры бæрц сæнимæ, фыссы мыхуыры орган.
Арæнхъахъхъæнджыты аргълæвæрдмæ гæсгæ, контрабандон сæны аргъ у 90 мин соммæ æввахс. Ссаргæ уаргъ, транспортон фæрæз æмæ шофыр лæвæрд æрцыдысты таможнæйон службæмæ процессуалон скъуыддзаг райсыны тыххæй.
Фæткхалæгмæ æнхъæлмæ кæсы административон æфхæрд.
