ЦХИНВАЛ, 28 июн — Sputnik, Годжысаты Анна. Уæрæсейы зынгсирвæзты ныхмæ паддзахадон академи ацы аз Хуссар Ирыстонæй каст фесты дыууæ студенты, фехъусын кодтой Sputnik хуссарирыстойнаг УУМ-ы пресс-службæйы.
Курсантты цытджын рауагъд ацыд уæрæсейаг столицæйы Сырх фæзуатыл æмæ уыд нывонд ахуырадон уагдоныл 25 азы сæххæсты цытæн.
"Ацы аз нæм ис дыууæ рауагъдоны — Мулдарты Денис æмæ Багаты Алина, кæцы ахуыр каст фæцис сырх дипломимæ. Ахуырадон уагдоны фæхуындмæ гсæгæ æз æрцыдтæн Мæскуымæ, цæмæй раарфæ кæнон ме ′мзæххонтæн æмæ сын сæ къухтæм раттон престижон уæлдæр ахуырадон уагдоны ахуыр райсыны фæдыл дипломтæ", — хъусын кæны Тадтаты Аланы ныхæстæ йæ пресс-службæ.
Мадзалы ма хайад райста Уæрæсейы уæлвæткон уавæрты фæдыл министр Владимир Пучков, йæ хæдивджытæ, ХПӔ-ы бæстæты делегацитæ, кæцыты студенттæ ахуыр райстой УУМ-ы ахуырадон уагдæтты.
Ведомствæйы банысан кодтой, ахуыр каст фæуыны фæстæ хуссарирыстойнаг УУМ-æй æрвыст студенттæ хъуамæ æрæздæхой райгуырæн бæстæм æмæ ифтонг æрцæуой куыстæй.
