ЦХИНВАЛ, 30 июн — Sputnik, Хъотайты Мария. Фракци "Иугонд Ирыстон"-ы парламенты скондмæ бакодта ног депутаты — Тедеты Ноннайы. Уый фæдыл майрæмбоны схъæлæс кодтой парламентон сессийы хайадисджытæ иууылдæр.
Вакантон бынат фракци "Иугонд Ирыстон"-ы фæзынд партийы лидер Бибылты Анатолийы президентæй равзæрсты фæстæ.
Рабадты рæстæджы парламенты спикер Гасситы Петр куыд банысан кодта, афтæмæй ног депутат кусдзæн закондæттынад, закондзинад æмæ бынæттон хæдразамынады комитеты, цы ран раздæр куыста депутатон корпусы сæргълæууæг йæхæдæг.
Уымæй дарддæр ма депутаттæ бахастой ивындзинæдтæ парламенты хыгъдон къамисы скондмæ. Йæ сæргъ раздæр лæууыд Гасситы Петр, ныр ацы æххæстбартæ дæр рахызтысты Тедеты Ноннамæ.
