ЦХИНВАЛ, 3 июл — Sputnik. Иумӕйаг ӕхсӕнведомствӕйон операцийы фӕлгӕтты Цӕгат Ирыстоны барадхъахъхъӕнӕг органты кусджытӕ ссардтой, наркотикон буарадтӕ цы зайӕгойты ис, уыдоны садзӕнтӕ.
ӔФС республикон арӕнгӕрон службӕйы пресс-службӕ куыд хъусын кӕны, афтӕмӕй гӕн ӕнӕзакононӕй цы быдырты байтыдтой, уыдон ссардтой Алагиры районы, Уӕллаг Мызурмӕ хӕстӕг.
Наркотикон буарад ныссагътой иу гектар фӕзуатыл, дзырдӕуы хъусинаджы. Барадхъахъхъӕнӕг органты кусджытӕ дзы чысыл арвыстой экспертизӕмӕ, иннӕ иууылдр скуынӕг кодтой.
Арӕнгӕрон службӕ бафӕдзӕхста, ахӕм фӕткхалӕн хъуыддӕгты тыххӕй цӕрджытӕм кӕй ӕнхъӕлмӕ кӕсы уголовон бӕрндзинад.
