ЦХИНВАЛ, 5 июл — Sputnik. Хуссар Ирыстоны президент Бибылты Анатолий раарфæ кодта Венесуэлæйы президент Николас Мадуройæн Хæдбардзинад расидыны боны цытæн, хъусын кæны президенты пресс-службæ.
"Ацы ахсджиаг историкон цау æрæвæрдта бындур хæдбар Венесуэлæйы сæрибар демократон размæцыдæн. Абон Республикæ Венесуэлæ у æцæг хæдбар паддзахад, кæцы æххæст кæны Симон Боливары сæрибаруарзаг хъæппæристæ", — дзырдæуы арфæйы тел.
Бибылты Анатолий ма банысан кодта, Хуссар Ирыстон кæй никуы ферох кæндзæн æгæрон æххуыс æмæ Венесуэлæйы адæм æмæ къухдариуæгады егъау хайбавæрд нæ бæстæйы æхсæнадæмон позициты сфидар кæныны хъуыддагмæ.
Венесуэлæ банымадта Хуссар Ирыстоны хæдбардзинад 2009 азы сентябры Уæрæсе æмæ Никарагуайы фæстæ.
