ЦХИНВАЛ, 11 июл — Sputnik. Мариинаг театры аивадон къухдариуæггæнæг Гергиты Валерий уыдзæн Францы националон оркестры дирижер Бастили сисыны бон. Концерт ацæудзæн ацы майрæмбоны Марсы быдыры Парижы, хъусын кæны РИА Новости.
Парижы мэрия куыд нысан кæны, афтæмæй концерт райдайдзæн 21:15 сахатыл бынæттон рæстæгмæ гæсгæ (22.15 мск). Бацæуæн уыдзæн æнæаргъæй. Концерты фæстæ уыдзæн традицион фейерверк.
Концерты программæйы — Мусоргский, Берлиоз, Пуччини, Римский-Корсаков, Брамс æмæ æндæр композиторты уацмыстæ.
Бастили сисыны бон Францы нысан кæнынц 14 июлы. Ацы бон, 1789 азы, Францаг революцийы райдианы штурмæй ист æрцыд гæнах-ахæстон Бастили.
