ЦХИНВАЛ, 27 июл — Sputnik. Мариинаг театры аивадон къухдариуӕггӕнӕг Гергиты Валерий цыппӕрӕмы райдайдзӕн йӕ концертты сери Сабырокеайнаг музыкалон фестивалы оркестримӕ Японийы, хъусын кӕны РИА Новости Мариинаг театры пресс-службӕйы информаци.
Концертты программӕйы сты: Шуберты симфония №4, увертюра Вагнеры оперӕмӕ "Тангейзер", концерт скрипкӕимӕ Брухы №1 оркестримӕ, ӕмӕ афтӕ дарддӕр.
Сабырокеайнаг музыкалон фестивалы оркестры ралӕудтӕ Гергиты Валерийы разамынадӕй байгом уыдзысты горӕт Томакомайы.
Уый фӕстӕ концерттӕ ацӕудзысты Саппоро, Кавасаки ӕмӕ Токиойы. Мадзӕлттӕ кӕронмӕ бахӕццӕ уыдзысты 1 августы.
Сабырокеайнаг музыкалон фестивалӕн, кӕцыйӕн Гергиты Валерий къухдариуӕгад кӕны 2015 азӕй фӕстӕмӕ, бындур ӕрӕвӕрдта Леонард Берстайн 1990 азы. Оркестры сконды сты 90 ӕвзонг музыканты, кӕцытӕ ӕвзӕрст цӕуынц байхъуыстыты руаджы ӕппӕт дунейы.
