ЦХИНВАЛ, 2 авг — Sputnik, Плиты Фатимæ. Мæскуыйы Щепкины номыл уæлдæр театралон ахуыргæнæндоны бакӕндзысты ирон студи. Ам цæттæ кæндзысты хуссарирыстойнаг драмон театрæн кадртæ, загъта Sputnik театры аивадон къухдариуæггæнæг Дзуццаты Тамерлан.
Студи бакӕныны фадат фӕзынд Хуссар Ирыстон æмæ Уæрæсейы культурæйы министрадты ʻхсæн баныхасты фæлгæтты.
"Щепкины номыл уæлдæр театралон ахуыргæнæндоны бындурыл 2019 азы конд æрцæудзæн националон студи, цы ран Хуссар Иры театрæн бацæттæ кæндзысты ног кадртæ. Уый уыдзæн хуссарирыстойнаг актерты æртыккаг рауагъд. Нæ театры актерты сконд фылдæр бæрцæй рацыдысты ацы ахуыргæнæн уагдонæй", — загъта Дзуццаты Тамерлан.
Уый ма банысан кодта, Щепкины номыл театралон ахуыргæнæндоны студимæ фæлварæнтæ кӕй дæтдзысты Цхинвалы.
