ЦХИНВАЛ, 4 авг — Sputnik. Цæгатирыстойнаг ирвæзынгæнджытæ æрцыдысты æххуысмæ вертолетыл одессæйаг туристтæм, кæцытæ æрæййæфта дурзæй республикæйы хæхтыл, хъусын кæны регионы УУМ-ы пресс-службæ.
Одессæйæ туристты къорд бахауд дурзæйы бын Цæгат Ирыстоны цыппæрæмы, дыууæ дзы райстой травмæтæ, се ′мбæлтты куы фæлвæрдтой дурты бынæй фервæзын кæнын, уæд.
"Райсом зианбаййафджытæм атахт Уæрæсейы УУМ-ы вертолет Цæгат-Кавказаг ирвæзынгæнæн къорды дохтыртимæ. 8:20 сахатыл зианбаййафджыты фæхæццæ кодтой быдырмæ æмæ сæ радтой катастрофæты медицинæйы медикты къухтæм. Ныртæккæ альпинисттæн æнæмæнгхъæуæг æххуыс кæнынц республикон клиникон рынчындоны дохтыртæ", — хъусын кæны УУМ-ы пресс-службæ.
Къорды аннæ хай (5 адæймаджы) хохæй æрхиздзæн йæхæдæг ирвæзынгæнджыты æххуысæй.
