ЦХИНВАЛ, 10 авг – Sputnik. Цхинвалы уагъд цӕуы хӕдзарон фосы вакцинаци ӕррайы низы ныхмӕ, загътой Sputnik хъӕууон хӕдзарады министрады пресс-службӕйы.
"Вакцинацийы фарстыты фӕдыл хъӕуы бахатын ветеринарон дохтыртӕм паддзахадон уагдон "Управление ветнадзора"-мӕ. Ӕнӕмӕнг вакцинаци куитӕн ӕмӕ гӕдытӕн ӕррайы низы ныхмӕ цӕуы ӕнӕаргъӕй. Уыимӕ иумӕ цӕуы хӕдзарон фосы сфыст дӕр", — загътой уагдоны
Уым ма банысан кодтой, ацы азы фыццаг ӕмбис ӕррайы низӕй бахизыны тыххӕй вакцинаци рацыд иу минӕй фылдӕр хӕдзарон фос.
Къӕбылатӕ ӕмӕ гӕдыйы лӕппынтӕ фыццаг хатт вакцинаци рацӕуынц дыууӕмӕйдзыдтӕй, фӕлахаттонӕй та 3-4 къуырийы фӕстӕ. Хъомыл фос вакцинаци рацӕуы аз иу хатт.
"Ӕррайы низы фӕдыл уавӕр у сабыр, фӕлӕ тӕссагдзинад ис ӕдзух. Ӕнӕмӕнг хъӕуы ӕррайы низы ныхмӕ вакцинаци рацӕуын", — балхынцъ кодтой уым.
Вакцинаци хауы ӕрмӕст хӕдзарон фосмӕ, ӕнӕхицау куиты ӕмӕ гӕдыты горӕты хицӕуттӕ кӕнынц маргӕ.
