ЦХИНВАЛ, 16 авг — Sputnik. Ирон спортсмен Дыгъуызты Малхаз сси Европæйы чемпион армрестлингæй инвалидты хсæн, хъусын кæны ПТРК "Алания".
Финалы 75 килограммы уæзы фембæлд Туркаг спортсменимæ.
"Спортсмен ацы спорты хуызæй архайы дыууæ азы. Йе 'нæзивæг архайды фæрцы, цыбыр рæстæгмæ йын бантыст хорз бæрæггæнæнтæ равдисын." — радзырдта Малхазы тренер Лелаты Тотрадз.
Ныр спортсмен йæхи цæттæ кæндзæн дунеон чемпионатмæ, уым хъахъæндзæн Уæрæсейы кад. Ерыстæ ацæудзысты Венгрийы сентябры.
