ЦХИНВАЛ, 21 авг — Sputnik. Хуссар Ирыстоны президент Бибылты Анатолий йæ отпусчы рæстæджы фæуазæг байк-шоумæ "Ночные волки" Севастополы, хъусын кæны газет "Слово".
Уæрæсейы 100 азы истори æмæ бæстæйы президент Владимир Путинæн нывонд театрализацигонд равдыст "Русский реактор"-мæ Паддзахад Аланийы сæргълæууæджы фæхуыдта йæ хæлар, цæгатирыстойнаг байкер Къодзаты Алан.
Бибылты Анатолий банысан кодта, байк-шоу кæй æвдисы Уæрæсейы хъомыс æмæ иудзинад.
"Ӕз фыццаг хатт нæ дæн ацы байк-шоуйы. Ам алцыдæр баст у патриотизмимæ, Уæрæсейаг паддзахады хъомысадимæ. Куы уынæм, ам цас адæм æрæмбырд вæййы, уæд бамбарæм, ацы мадзæлттæ æцæгдæр кæй иу кæнынц – уыдон сты иудзинады æвдисæн", — загъта Бибылты Анатолий.
Ӕхсæнадæмон байк-шоу мотоклуб "Ночные волки" сарæзта 1995 азы. Мадзал уагъд цыд Уæрæсейы æндæр æмæ æндæр егъау горæтты. 2009 азы байк-шоу æрбынат кодта Севастополы. Уым ма ис мотоклубы базæ дæр.
