ЦХИНВАЛ, 24 авг — Sputnik. Цæгат Ирыстоны сентябры ацæудзæн уæрæх культурон мадзал – Аивæдты кавказаг фестиваль, хъусын кæны республикæйы сæргълæууæг æмæ хицауады пресс-службæ.
Фестиваль ацæудзæн Мариинаг театры аивадон къухдариуæггæнæг æмæ генералон директор Гергиты Валерийы къухдариуæгады бын.
Йæ ауадзыныл дзырд цыд УФ вице-премьер Ольга Голодец æмæ РЦИ-Аланийы сæргълæууæг Битарты Вячеславы хайадистæй æмбырдыл.
Боны фæткы ма уыд Аланийы аргъуыдыл 1100 азы сæххæсты бæрæгбон банысан кæныны фарст дæр, уый Цæгат Ирыстон нывæнды банысан æнын 2022 азы.
Алы профилон министрадæн дæр радтæуыд хæслæвæрдтæ мадзæлттыл бакусыны тыххæй. Сæрмагондæй, хъæуы сбæлвырд кæнын социалон æмæ культурон бынты объекттæ, кæцытæц сцалцæг кæндзысты нысаниуæгджын датæмæ.
2017 азы 27 апрелы Битарты Вячеслав æмæ УФ-йы президент Владимир Путины фембæлды рæстæджы дзырд цыд, цæмæй федералон æмвæзадыл скъуыддзаг æрцæуой ацы нысаниуæгджын датæ банысан кæныны фæдыл хæслæвæрдтæ. Паддзахады сæргълæууæг банымадта хорзыл æнхъарæнтæ æмæ радта æнæмæнгхъæуæг хæслæвæрдтæ УФ-ы хицауадæн.
