ЦХИНВАЛ, 28 авг — Sputnik. Хуссар æфсæддон зылды æфсæддон-уæлдæфон тыхтæ æмæ уæлдæфон хъахъхъæнынады фæрæзты ракодтой æххæст æфсæддон цæттæдзинадмæ, фехъусын кодта РИА Новости ХӔЗ-ы пресс-службæйы сæргълæууæг Вадим Астафьев.
"Ӕфсæддон фæдисы сигналæй абон сыстын кодтой авиацион баиугæндты æмæ æфсæддон дæлхайæдты хисæрмагонд сконд, афтæ ма уæлдæфон хъахъхъæнынады тыхты, кæцытæ сты æвæрд Ростовы æмæ Волгограды областы территорийыл, Краснодары æмæ Ставрополы крайты, Республикæ Цæгат Ирыстон – Алани æмæ Хъырымы", — загъта уый.
Басгæрст уагъд цæуы УФ Гарзджын тыхты Генералон штабы сæргълæууæг, æфсады инæлар Валерий Герасимовы бардзырдмæ гæсгæ. Хъуамæ æрцæуа аргълæвæрд авиатехникæйы æмæ пилоттæн сæхи цæттæдзинадæн. Хотыхджын цæттæдзинадæн аргъ скæндзысты алыгъуызон æмвæзадыл тактикон ахуырты фæстиуджытæм гæсгæ.
