ЦХИНВАЛ, 31 авг — Sputnik. Ирон рапиристкæ Цыбырты Камилла рамбылдта сыгъзæрин майдан тыхджындæрты юниорон турниры Казаны, хъусын кæны GradusPro.
Цыбырты Камилла, кæцы хъахъхъæдта Мæскуыйы кад, группæйон этапыл ныфсджынæй фæуæлахиз йæ ныхмæлæуджытыл, 15:1, 15:7, 15:1 æмæ 15:5 хыгъдæй рамбулгæйæ.
Ӕрдæгфиналы ирон спортсменкæ ныфсджынæй фæуæлахиз Маматы Натальяйыл. Фембæлды фæстиуæг у 9:8.
Финалы Цыбырты Камилла фембæлд турниры фароны уæлахиздзау Адель Абдурахмановайыл æмæ йæ рамбылдта 15:12 хыгъдæй.
