ЦХИНВАЛ, 1 сен — Sputnik. Цæгатирыстойнаг сфæлдыстадон лаборатори "Портал"-ы хайадисджытæ, кæцытæ сæххæст кодтой 4000 км дæргъæн велозгъорд Туркмæ, сæвæрдтой цырт Беслæны трагедийы амæттæгтæн, хъусын кæны РИА Новости.
"1700 километры, 5 кг электродтæ, 200 сахаты куыст, 110 кг мрамор, 3 тонны базальт. Афтæ портал ссардта Беслæны трагедийы амæттæгты рухс нæмттæ. Ацы проект сырæзт Турчы ирæттæ æмæ нын Ирыстонæй чи баххуыс кодтой, уыдон фæрцы. Хъуыддаг сырæзт. Иумæ уæм!", — хъусын кæнынц "Порталы" хайадисджытæ сæ Instagram.
Цырт сæвæрдтой ирон хъæу Poyrazli трагикон цауæн нывонд къохы. Йæ сæвæрынæн сын баххуыс кодтой бынæттон дæснытæ.
