Ирон æрмхæцджытæ стох кæндзысты дунейы чемпионаты Будапешты

© Из личного архива Сослана ГассиеваИрон æрмхæцæг Гасситы Сослан турниры
Ирон æрмхæцæг Гасситы Сослан турниры - Sputnik Хуссар Ирыстон
Рафыссын
Гасситы Сослан, Хæбæлаты Арсен æмæ Дыгъуызты Миленайæн ис хорз фадæттæ дунейы чемпионтæ суæвынæн, нымайы спортсменты тренер

ЦХИНВАЛ, 4 сен — Sputnik. Хуссарирыстойнаг æрмхæцджытæ Гасситы Сослан, Хæбæлаты Арсен æмæ Дыгъуызты Милена афæндараст сты дунейы чемпионатмæ Будапештмæ. фехъусын кодта Sputnik спортсменты тренер Джиоты Валерий.

Сослан Гассиев-чемпион Европы и Мира по армлеслингу - Sputnik Хуссар Ирыстон
Гасситы Сослан - Европæйы тыхджындæр армхæцæг

Йæ ныхæстæм гæсгæ, ирон спортсментæн ис хорз фадæттæ дунейы чемпионтæ суæвынæн,

Хуссар Иры иууыл æнтыстджындæр 20-аздзыд армхæцæг Гасситы Сослан ацы спорты архайы 2012 азæй фæстæмæ. Сослан уæдæй нырмæ фондз хатты ссис Уæрæсейы чемпион, Европæйы цыппар хатты æмæ дунейы æртæ хатты уæлахиздзау.

"Чи рамбулдзæн, уый рæстæг равдисдзæн, фæлæ Гасситы Сосланæн æмсæр ныхмæлæууæг нырма нæй фæсивæды хсæн. Ацы хатт уый æмрæстæджы архайы 90 кг уæзы фæсивæды хсæн дæр æмæ хистæр кары спортсменты ʻхсæн дæр. 5-7 сентябры уый тох кæндзæн фæсивæды хсæн, уый фæстæ та йæхи бафæлвардзæн хистæртимæ", — загъта тренер.

Джиоты Валерий ма банысан кодта, хорз фадæттæ кæй ис Хæбæлаты Арсен æмæ Дыгъуызты Миленайæн дæр.

"Хæбæлаты Арсен архайдзæн 65 кг уæзы, у 2016 азы Уæрæсейы чемпионаты уæлахиздзау. Дыгъуызты Милена та у ацы азы Уæрæсейы чемпион æмæ Европæйы вице-чемпион, ныр ын фадат ис дунейы æмвæзады дæр йæхи равдисынæн", — бафтыдта йæ ныхæстæм уый.

Ног хабӕртты лентӕ
0