ЦХИНВАЛ, 4 сен — Sputnik, Босыкты Наталья. Компани "Мегафон —Хуссар Ирыстон" ауадздзæн нывæзтон цалцӕггӕнӕн куыстытæ бастдзинады оптикон хаххыл, куыстытӕ гæнæн ис æмæ бандавой интернет æмæ бастдзинады гъæдыл, фехъусын кодта Sputnik компанийы æхсæнадимæ бастдзинады фæдыл специалист Бежанты Зӕринæ.
Оптоволоконон таг хъыгдард æрцыд æртыццæджы, 30 августы Цæгат Ирыстоны территорийыл æмæ йæ фæдыл асайдта интернетимæ проблемӕтæ Хуссар Иры. Фæлхасгæнджытæ пайда кæнынц фæсауæрцон каналæй.
"Ныридæгæн интернетимæ проблемæ нæй, æппæт дæр сæндидзын кодтам. Нывæзтон куыстыты фæлгæтты 6 сентябры 10.00 сахатæй 18.00-мæ гæнæн ис æмæ февзæрдæр уа интернет æмæ бастдзинады гъæд", — загъта Зӕринæ.
Уый банысан кодта, регламентон куыстытæ кӕй цæудзысты Цæгат Ирыстоны.
