Хуссар Иры президент сфидар кодта цæрджыты райсты бонтæ

© Sputnik / Наталья Айриян100 дней Анатолия Бибилова
100 дней Анатолия Бибилова - Sputnik Хуссар Ирыстон
Рафыссын
Хуссар Ирыстоны цæрджытимæ фембæлдты график сфидар кодта йæхæдæг Бибылты Анатолий, цæмæй фæткмæ æркæна æмбæстæгтимæ фембæлдты системæ

ЦХИНВАЛ, 6 сен — Sputnik. Хуссар Ирыстоны президент Бибылты Анатолий цыппæрæмы, 7 сентябры, ауадздзæн цæрджыты химæрайст, хъусын кæны паддзахады сæргълæууæджы пресс-службæ.

Бибылты Анатолий фæндагарфæ ракодта ХИПУ студенттæн - Sputnik Хуссар Ирыстон
Президент ХИПУ студенттæн: ма тæрсут уæ креативондзинадæй

Уагдоны бамбарын кодтой, президент кæй фембæлдзæн 25 адæймагæй фылдæримæ, кæцытæн тагъдыл хъæуы аскъуыддзаг кæнын хисæрмагонд æмæ профессионалон проблемон фарстытæ. Сæ фылдæр хай баст у 2008 азы августы хæсты ныппырхуæвæг цæрæн хæдзæртты сæндидзын кæнынимæ, цæрæнуæттæ рахицæн кæнын æмæ пенсийы фарстытимæ.

Президентæн уыдзæн райсты бонтæ дыууæ хатты мæйы мидæг — ахæм график фидар æрцыд паддзахады сæргълæууæджы ʻрдыгæй, цæмæй фæткмæ æрцæуа фембæлдты системæ.

Пресс-службæйы ма банысан кодтой, президент йæ куысты фыццаг мæйты кæй райста мин адæймагæй фылдæр, кæцытæ йæм цыдысты сæ хисæрмагонд фарстытæ скъуыддзаг кæныны тыххæй.

Ног хабӕртты лентӕ
0